کەشناسی عراق... مەوقەی واران دیاری کرد

شەفەق نیوز/ دەسەی کەشناسی عراق پیشبینی ئمڕوو سێشەممە، پیشبینی هەفتانەی کەشوهەوا راگەیان و وادەی وارانوارینیش دیاریکرد.

دەسەی کەشناسی عراق ئمروو راگەیان" سوو چوارشەممە ئاسمان ساماڵە، پلەی گەرما لە ناوچەیل باشوور عراق وە بەراورد وەرد رووژەیل وەرین لە ناوراس و باشوور جویر خوەی مینێد، باوجی لە ناوچەیل باکوور بەرزەوبوین کەمیگ وە خوەی دوینێد.

ئاشکەرایکرد" رووژ پەنجشەممە ئاسمان ساماڵە و پلەی گەرما جیگیرە، و ئەرا رووژ جومعە ناوچەیل ناوراس بوودە لەکەی ئەور، لەناوچەیل باکوور نیمچە ئەورە و لەناوچەیل باکوور و ناوراس پلەیل گەرما داوەزین کەمیگ وەخوەی دوینێد".

راگەیانیش" لە رووژ شەممە لەناوچەیل ناوراس ئاسمان لەکەئەورە و لەناوچەیل هەرێم کوردستانیش لەکەی ئەور دوینریەێد وئەگەر واران وارینیش دیرێد".