شەپوول فرە سەردیگ رەسێدە عراق وەگەرد مەوقەی هەڵوژاردن پارێزگایل
2023-12-08T08:56:03+00:00
شەفەق نیوز/ شارەزای کەشناسی عەلی جابر زیادی، ئمڕوو جمعە، راگەیان کە شەپوول فرە سەردیگ وەگەرد مەوقەی دەنگدان لە هەڵوژاردن ئەنجومەن پارێزگایل لە سێیەم هەفتەی ئی مانگە رەسێدە عراق.
زیادی ئەرا ئاژانس شەفەق نیوز وت: کەشوهەوای وڵاتەگە لە رووژ هەڵوژاردن ئەنجومەن پارێزگایل کەفێدە سەردی، لەوەر وەنواهاتن شەپوولیگ سێبیری فرە سەردیگ، وەگەرد ئەور و واران لە چەن شوینیگ وەرجە رووژ دەنگدان یا لەخود ئەو رووژە.
وتیش؛ پلەی گەرمی وەشیوەی تیژیگ داوەزێد، و هاتێ لە خوەرئاوای وڵاتەگە سایەقە بگرێد، و پلەی گەرمی لە رووژ دەنگدانەگە بڕەسێدە خوار ١٦ پلەی سەدی.
ئەوەسا لە ١٨ی کانوون یەکەم ٢٠٢٣، هەڵوژاردن ئەنجومەن پارێزگایل عراق وەڕیەو چوود.
