لە کۆتای ئێ مانگە بارستە شەپوولیگ جەمسەری روی وەرەو عراق کەێد
وەرجە کۆتاییهاتن ئێ هەفتە مانگە دەسکردەیل مەزەنەی کەشوهەوا توومارکەن، وتیش لە ئەنجام رەدبوین بارستە سەردی بەرزیگ کە وای سەردیگ ها وەگەردیا لە ئمشەوەو و سوو دوو شەممە دەسکەێدە کاریگەریەیلی وەبان ناوچەیل نەینەوا و ئەنبار بڕیگ ناوچەیلتر لە شارەیل باکوور، لە شەو و رووژ سێشەممە کاریگەریەیلی تەکان دەێد وەرەو ئەو شارەیلتر، کاریگەریەگەی وە تونیەیل جیاوازە.
وتیش وەپای مەزەنەیل سەرەتایی، لەو ماوە روژەیل (چوارسەممە و پەنجشەممە) کاریگەریەگەی رەسێدە لویتکە مەزەنەکرێد واران رفتیگ بوارێد ناوچەیل باشوور و فورات ناوڕاس و ناوڕاس، ئاگاداربوون لە بەرزەوبوین ئاو لە جادەیل ناوخوەیی و لافاو لە ناوچەیل سنوور خوەرهەڵات.
دیاریکرد، شەپوول سەردی سووکیگ لە رووژ چوارشەممە وەدویای شەپوول بەستەلەکیەگە تێد و سەردی سەختیگ بوود لە کۆتایی ئێ مانگە.
کەشناسەگە دیاریکرد، گرمەهڕ و وای قامیگ کاریگەریەیلی رەسێدە لویتکە لە ئەو ماوە.
