شارەزایگ کەشناسی مەوقەی سەردی زمسان لە عراق دیاری کەێد

شەفەق نیوز/ شارەزای کەشناسی سادق عەتیە، ئمڕوو پەنجشەممە، مەزەنە کرد ناوچەیل ناوڕاس و باشوور عراق وەرجە ناوڕاس مانگ ئایندە بکەفنە یەکەمین شەپۆل سەردی زمسان.

عەتیە لە پۆستیگ لەبان فەیسبووک نویسان: وەرەو مانگ تەشرین دویەم نزیکەو بویمن، و هیمان پلەی گەرمی مەزن لە ناوڕاس و باشوور وڵاتەگە لە ئاست سروشتی بەرزترە، وەتایبەت لە شارەیل باشوور ک رەسێدە بان سیەیل.

وتیش: پرسیارەگە: ئایا کەی کەفیمنە یەکەمین شەپۆل سەردی؟، وت: نووڕێمن ک ئیرنگە بەرزیەگە لەبانەو زاڵە، و کارەگە مینێدە بان ئی بەرزیە، و تا ئیسە نشانەیل باس دیرکەفتن سەردی کەن.

عەتیە وتیش: ئەگەر کەفتمنە کەشوهەوای گونجیاگ، ئەو مەوقە گەرمی داوەزێد، و دەریگ لە زمسان واز بوود، و یەیش وەرجە ناوڕاس مانگەگە بوود.