پسپۆریگ کەشناسی ئەرا عراقیەیل: ئامادەی خوەدان ئەرا وارانەیل نوویگ لە مانگ ئایندە بکەن

شەفەق نیوز/ پسپۆر کەشناسی عەلی جابر زیادی، ئمڕوو شەممە، مەزەنەی هاتن شەپوولەیل واران نوویگ کرد ک لە مانگ ئایندە عراق گرێدەو.

زیادی ئەرا ئاژانس شەفەق نیوز وت: مەزەنەیل نشان دەن ک عراق چوودە ناو شەپوول واران نوویگ وە ناوڕاس و کەمتر لەی واران دویاییە دریەێدە قەڵەم.

وتیش: رفتی وارانەگە کەفێدە بەشەیل کەمێگ لە بەش خوەرئاوای سنووری لە ئەنبار و بەشەیلیگ لە ناوچەی باکوور.

زیادی وتیش: وارانە نووەگە فراوان نییە، ک لە شارەیل ناوڕاس و باشوور وارانەگە جیاجیاس و لەیەک دویرە.

زیادی ئەرا عراقیەیل وت: ئامادەی خوەدان ئەرا وارانەیل نوویگ لە مانگ ئایندە بکەن،  ک لە بەشیگ لە ناوچەیل، زیای وکەمە، و لە رووژەیل ئایندە تونیەگەی دیاری کریەێد.