واران و لافاو لە ناوچەیلیگ لە عراق تا پەنجشەممە وەردەوامە

واران و لافاو لە ناوچەیلیگ لە عراق تا پەنجشەممە وەردەوامە
2021-12-18T07:20:17+00:00

ەفەق نیوز/ وەزارەت گواستنەوە/ دەزگای گشتی کەشناسی و رەوانگەی زەۊیلەرزە، ئمڕوو شەممە،  راپۆرت کەشوهەوای رووژەیل ئایندە دەرکرد     

راپۆرتەگە دیاری کرد ک مەنزەنە هەس وڵاتەگە ئمڕوویش بمینێدە ژیر کاریگەری تیکڵایی کەشوهەوای دەریای ناوەڕاس و دەریای سوور.    

ناوچەی ناوڕاس نیمچە ئەورە و لە بەشەیل خوەرئەڵات ئەور و واران ناوڕاسین تا رفتە، وەتایبەت لە پارچەی سنووری لە دیالە،  خانەقین و واسیت وشایەت لافاو باێد.    

ناوچەی باکوور ئەور بوود و واران ناوڕاسین تا رفت و ئەور وتریشقە وەتایبەت لە ناوچەیل سلێمانی،  هەولێر،  مووسڵ دهۆک، و شایەت لافاو باێد.      

  ناوچەیل باشوور ئەور بوود وەگەرد واران ناوڕاسین و رفت وەگەرد رەشەبا و تریشقە لە چەن پارێزگایگ جۊر بەسرە، عمارە، موسەنا،  ناسریە. و شایەت  لە ناوچەیل خوەرئەڵات و سنووری لە بەسرە و عمارە لافاو باێد.    

راپۆرتەگە دیاری کرد ک کەشوهەوای رووژ یەکشەمە لە ناوچەی ناوڕاس نیمچە ئەور بوود،  و ناوچەی باکوور ئەور و واران کەم،  و ناوچەیل باشوور ئەور بوود وەگەرد دەرفەت وارین لە بەشەیل خوەرئەڵات لە بەسرە و عمارە و موسەنا.     

و ئەرا رووژ دووشەممە گشت ناوچەیلە بوونە ئەور وەگەرد واران ناوڕاسین و رەشەبا و تریشقە.      رووژ سێشەممە،  گشت ناوچەیلە بوونە ئەور و واران ناوڕاسین و لە بەشەیل خوەرئەڵات لە پارێزگایل سلێمانی و هەولێر و مووسڵ و سەڵاحەدین وارانەگە رفت بوود.       

راپۆرتەگە باس لەوە کرد ک رووژ چوارشەممەی ئایندە لە ناوچەیل باکوور لە زاخۆ دهۆک،  مووسڵ، هەولێر، سلێمانی وارانەگە رفت بوود، و دەرفەت لافاو هەس.    

راپۆرتەگە وتیش: رووژ پەنجشەممەی ئایندە ئاسمانەگە باک و نیمچە ئەور بوود لە گشت ناوچەیل وڵاتەگە بیجگە مووسڵ و هەولێر و سلێمانی،  ک ئەور و راران بوود،  تا دۊیای نیمەڕو.     

Shafaq Live
Shafaq Live