بڕێ لە شارەیل عراق تا سێشەممە  کەفنە وەر واران فرەیگ  

شەفەق نیوز/ پسپۆڕ کەشناسی سادق عەتیە، مەزەنەی واران  فرەیگ لە چەن شاریگ لە عراق کەێد ک تا رووژ سێشەممەی هەفتەی ئایندە وەردەوام بوود.    

عەتیە لە پۆستیگ وت: "خەسی ئەور وتریشقە لە شەفەق رووژ جمعە  هالە باکوور عراق، جۊر ئەوەگ مانگ دەسکردەیل چەودێری کەن و بڕیگ لە ناوچەیل و شارەیل باکور وەردەوام مینن لە واران تونیگ، باواجی ناوچەیل خوەرئاوا کەمترین ئەگەر  وارین دیرن.      

وتیش: "شارەیل باشور لە دۊیانیمەروو یا ئیوارە دەس وە رووداوە ئاسمانیەیلە  کەن تا  شەوەکی رووژ سێشەممە وەردەوامە، و لە فرەی شارەیلە کەش و هەوا ناجیگیرە، وناکاوییش پەیا بوود.  

مەزەنە کەێد وەفر لە  بەرزاییەیل باکوور وڵات بپووشێد  و و شایەت خەس بوود  وەتایبەت شەو دووشەممە و وەگەرد داوەزین تۊنیگ لە پلەی گەرمی لە  کۆتایی هەفتەگە.