زیندانیکردن هەمیشەیی ئەرا 5 زیندانیکریاگ لە زیقار وە توومەت مەرافەیگ هووزانە
2023-11-28T09:38:05+00:00
شەفەق نیوز/ سەرچەوەیگ ئەمنی لە پارێزگای زیقار، ئمڕوو سێشەممە، خەوەردا دادگای تاوانەیل پارێزگاگە سزا ئەرا 5 زیندانی دەرکرد وە توومەت ئەنجامدان مەرافیگ هووزانە و کەسیگ کوشتنە.
سەرچەوەگە وە ئاژانس شەفەق نیوز خەوەردا "دادگای تاوانەیل زیقار سزای زیندانیکردن هەمیشەیی ئەرا 5 زیندانی دەرکرد کە مەرافیگ هووزانە ئەنجامدابوین لە ئەنجام یەکیگ لە هاوڵاتیەیل قەزای فەهود کوشتنە لە خوەرهەڵات شار ناسڕیە ناوەن پارێزگاگە لەسەرەتای ئمساڵ 2023".
سەرچەوەگە وتیش، " بڕیارەگە وە پشت بەسین وە بڕگەیل مادەیل دویەم و چوارەم لەیاسای دژە تیرۆر ساڵ 2005 هاتیە".
