خوەیکوشتن ئەفسەریگ عراقی دویای ئاشکرابوین تووشهاتنی لە تاوان کوشتنیگ

خوەیکوشتن ئەفسەریگ عراقی دویای ئاشکرابوین تووشهاتنی لە تاوان کوشتنیگ
2021-01-15T08:46:50+00:00

شەفەق نیوز/ سەرچەوەیگ ئەمنی لە فەرماندەی پۆلیس زیقار، ئمڕوو جمعە، ئاشکرای ووردەکاریەیلیگ دڵتەزن لە تاوان کوشتن پارێزەر عەلی حماندمی لە قەزای شەترە لەی هەفتە کرد.

حمامی نەقیب سەندیکای پارێزەرەیل شەترە بوی.

سەرچەوەگە ئەرا ئاژانس شەفەق نیوز وت: فەرماندەی پۆلیس رەسیە ووردەکاریەیل دڵتەزنیگ لە کوشتن حمامی، ک دەرکەفت ئەو تاوانبارەیلە ک تاوانەگە جیوەجی کردنە خوەیان هاوسەر دوویەم کوشیایەگە و وەگەرد دووسەگەی بویە ک ئەفسەرە لە هەواڵگری، و کەسیگ سێیەم وەکرا هاوردنەسەی تا تاوانەگە جیوەجی بکەێد.

سەرچەوەگە لە ووردەکاریەیل تاوانەگە وت: دویای دەرچگن دوویەم هاوسەر کوشیایەگە لە ماڵەگە، لە مرافەی درووکانییگ وەگەرد هاوسەرە پارێزەرەگەی، دویای ئەوە وە کەمیگ، دوو کەس ( ئەفسەرەگە و هاوبەشەگەی)روی کردنە ماڵەگە وە بەهانەی باوەتیگ سکاڵاکاری، و هەنای رەسینە ناو ماڵەگە تاوانەگەیان وە خنکانن پاێێزەرەگە تا مردنی جیوەجی کردن.

وتیش؛ دویای لێکولینەوە لە باوەتەگە، هێزە ئەمنیەگان هاوسەر کوشیایەگە گردن، و هیمان مینەی تاوانبارە سێیەمەگە کەن.

لە باوەت ئەفسەر هەواڵگریەگە، سەرچەوەگە وت: دویای ئەوە ک ئەفسەرەگە ئاگادار لە ئاشکرابوین باوەتەگە بوی، خوەی لەناو بارەگا ئەمنیەگەی خوەی کوشت، ک هێزیگ لە شانەی سقوور وەرەو دەسگیرکردنی هاتیوید.

Shafaq Live
Shafaq Live