ڕزگاربوین ماموستایگ زانکۆیی لە زیقار لە تەقەلای کوشتنی

ڕزگاربوین ماموستایگ زانکۆیی لە زیقار لە تەقەلای کوشتنی
2021-01-12T13:26:49+00:00

شەفەق نیوز/ ماموستایگ زانکۆیی لە زانکۆی زیقار، ئمڕوو سێشەممە، لە هەوڵدان کوشتنی لەناوڕاس شار ناسریە ناوەند پارێزگای زیقار رزگاری بوی.

سەرچەوەیگ ئەمنی خەوەردا ئاژانس شەفەق نیوز ک سەتار عتابی ماموستا لە زانکۆی زیقار قورتاری بوی لە تەقەلایگ ئەرا کوشتنی لە ناوچەی حەی ئووڕ لە ناوڕاس شار ناسریە ناوەند پارێزگاگە، و ئاماژە کرد ک سێ جا کابرای تەقەکەر شکست هاورد لە تەقەکردن وە دەوانچەگەی، و پەنا وە وایین برد.

سەرچەوەگە وتیش: عتابی پەنا وە هێزە ئەمنیەگان لە نزیک شوون رووداوەگە برد، ک کەفتنە شوون توومەتبارەگە ک تەقەلاي وايين دا، و لەلایەن خاڵ دەروازەی باکووری پارێزگاگە دەسگیر کریا.

و دیاریکرد ک توومەتبارەگە وەگورەی مادەی ٤٩٥ لە یاسای سزاگان عراق ژمارە ١١١ ئەرا ساڵ ١٩٦٩ بەندین کریا.

Shafaq Live
Shafaq Live