زەخمداربوین لە هێزە ئەمنیەگان لە دیالە فرەیان ئەفسەرن

زەخمداربوین لە هێزە ئەمنیەگان لە دیالە فرەیان ئەفسەرن
2020-12-03T06:50:26+00:00

شەفەق نیوز/ سەرچەوەیگ ئەمنی لە پارێزگای دیالە، ئمڕوو پەنجشەممە، خەوەردا لە زەخمداربوین سێ ئەفسەر و یەک پۆلیس وە دوو تەقینەوەی لە شوون یەک لە دەورگرد ناحیەی عەبارە لە باکوور خوەرهەڵات شار بەعقوبە.

سەرچەوەگە ئەرا ئاژانس شەفەق نیوز وت: تەقەمەنییگ لەبان دەوریەیگ پۆلیس لە ناوچەی گوبە لە دەورگرد عەبارە تەقیەو و بویە هووکار ویرانکردن هەمەریگ و زەخمداربوین سێ ئەفسەر و ئیجا تەقینەوەیگ تر لە نزیک رووداوەگە بویە هووکار مردارەوبوین مانگایگ.

سەرچەوەگە وتیش: ئەندامەیل داعش یەکیگ لە کامیرا گەرمیەکان لە دەورگرد ناوچەکە وە قەناس شکانن، تا بتوێەنن پەلامارەیلیان وەجی بارن.

Shafaq Live
Shafaq Live