زەخمداری وکوشیان وە گولەو چەقو لە بەغداد و ئازادکردن رفیاگ لەبەسرە

زەخمداری وکوشیان وە گولەو چەقو لە بەغداد و ئازادکردن رفیاگ لەبەسرە
2021-05-22T07:06:14+00:00

شەفەق نیوز/ سەرچەوەیگ ئەمنی، ئمڕوو شەممە، خەوەردا لە کوشیان وزەخمدارەیلیگ لە رووداوەیلیگ جیاجیا لە بەغداد پایتەخت، و سەرچەوەیگ تر باس رزگارکردن کابرایگ دویای کەمتر لە یەک ساعەت لە رفاننی لە بەسرە.

سەرچەوەگە ئەرا ئاژانس شەفەق نیوز وت: کابرایگ لەناو ئاهەنگ سویریگ لە ناوچەی حسێنیە لە بەغداد، وە چەک کلاشینکۆف تەقە وەرەو ئاسمان کرد، و گولەیگی زەخمدار پشت کەسیگ کرد وبریا وەرەو خەسەخانە، و کابرای تەقەکەر وەرەو شوین نادیاریگ وای.

سەرچەوەگە وتیش: مرافەیگ وەچەقو کەفتە ناوبەین دوو لایەن لەوەر قسەیل تونیگ لەناوبەینیان، لەوەخت تەنگەوکردن ریەگە وەماشین یەکیگیان لەجادەی بەغداد جدیدە، وهەردوگیان زەخمدار بوین.

سەرچەوەگە باس ئەوەیش کرد ک چە ن برایگ تەقە لە کابرایگ خانەنشین لە ناوچەوی کەمالیە  لەوەر فرووشتن کەموتەر کردن و کوشتنەی.

سەرچەوەگە ئەرا ئاژانس شەفەق نیوز وتیش: هێزیگ ئەمنی ئازاد خاوەن پێشەنگایگ ماشین لە بەسرە کردن، دویای کەمتر لە یەک ساحەت لە رفاننی لەلایەن سێ کەس چەکدار وە ماشینیگ تاهوو.

سەرچەوەگە نشان دا ک هێزە ئەمنیەگە کوڵەیگ ئەرا چەتەگە لەناوچەی ساحەت سەعەد دانا، و گشت کەسەیل چەتەگە دەسگیر کرد.

Shafaq Live
Shafaq Live