زەخمدارەیلیگ لە پۆلیس وە تەقینەوەیگ لە دیالە
2021-04-12T10:53:34+00:00
شەفەق نیوز/ سەرچەوەیگ ئەمنی لە دیالە، ئمڕوو دووشەممە، خەوەردا لە زەخمداربوین چەن پۆلیسیگ وە تەقینەوەی بومبیگ دانریاگ لە دەورگرد ناحیەی ئەبو سەیدا.
سەرچەوەگە ئەرا ئاژانس شەفەق نیوز وت: ٦ ئەندام لە فەوج تەکنیکی پۆلیس دیالە لە مەوقەی وەشکینیگ ئەمنی لە باخەیل ئاوای شێخی لە ئەبو سەیدا زەخمدار بوین.
سەرچەوەگە وتیش؛ زەخمدارەیل پۆلیس وەرەو خەسەخانەی بەعقوبە بریان ئەرا وەرگردن چارەسەری.
