رووداوەیلیگ و زەخمداربوین لە دیالە لەوەر تەم خەسیگ
2020-12-17T09:22:17+00:00
شەفەق نیوز/ سەرچەوەیگ پزشکی لە دیالە، خەوەردا لە زەخمداربوین ٦ کەس لە زنجیرەیگ لە رووداوەیل هاتووچو لە پارێزگاکە لەوەر تەم خەسیگ، ک پارێزگاگە و چەن شاریگ تر وەخوەیان دین، و بویە هووکار کەمەوکردن لە ئاست نووڕستن.
سەرچەوەگە ئەرا ئاژانس شەفەق نیوز وت: دیالە ٥ رووداو هاتووچو جووراجور لەوەر تەمەگە و نەمەنی نووڕستن لە ریەگان وەخوەی دی، زاقتریان لەیەکداین چوار ماشین لەناوچەی حەد مزیەد لەدەورگردە قەزای موقدادیە.
سەرچەوەگە دووپاتکرد ک ئامار رووداوەگەی موقدادیە رەسیە ٦ زەخمدار، ئەرا خەسەخانە بریان، و هەمیش زەخمداریەیل سووکیگ لە رووداوەیلیگ تر تۆمار کریان.
