رووداو دڵتەزنیگ لە دیالە ٩ لە کوشتن و زەخمداری کەێد
2020-11-16T09:15:33+00:00
شەفەق نیوز/ سەرچەوەیگ خۆجێیی لە دیالە، ئمڕوو دووشەممە، خەوەردا لە مردن ٥ کەس و زەخمداربوین ٤ کەس تر لە رووداویگ هاتووچو لە دەورگرد ناحیەی جدیدە شەت لە نزیک بەعقوبە.
سەرچەوەگە خەوەردا ئاژانس شەفەق نیوز ک رووداو هاتووچوەگە وە لەیەکداین دوو ماشین لە دەورگرد ناحیەی جدیدە شەت بوی ک بویە هووکار مردن ٥ مەدەنی و زەخمداربوین ٤ تر.
وتیش؛ تەرمەیل قوربانیەگانیان و زەخمدارەگان ئەرا خەسەخانەی بەعقوبە و پزشک دادوەری بریان، و دەسەڵاتەیل ئەمنی و هاتووچو ریکارە یاساییەگان بردن.
