پەرلەمان عراق زەنگ مەترسی لە کەم ئاوی کوتێد
شەفەق نیوز/ دەسەی کشتوکاڵی و ئەهوار پەرلەمانی، ئمڕوو چوارشەممە، داوای بردن گامەیل کورجیگ مرد ئەرا مسۆگەرکردن وەردەوامی خوەیژینی لە بەرهەمەیل کشتوکاڵی لە عراق لەسای داوەزین ئاست ئاوەگە لەوەر کەم وارانی ئمساڵ.
سەلام شەمەری سەرۆک دەسەگە لە بەیاننامەیگ رەسیە ئاژانس شەفەق نیوز وت: گلەوخواردن هاوردەی بەشیگ لە بەرهەمەیل کشتوکاڵی لە سەوزە وەشیوەی تایبەت ئەوەسا وەردەوام بوود، و ئەوەسا بەرهەمەیلیگ تر گرێدەو ئەگەر کەم ئاویەگە وەبی چارەسەرکەردنیک ریشەیی بمینێد.
وتیش؛ جوولەنەکردن دیاریگ لەلایەن دوو دەوڵەت سەرچەوەی ئاو ئەرا داواکاریەیل عراق لە تاقاوەگەی ئەوەسا زەردەیل وەردەوامیگ رەسنێدە کەرت کشتوکاڵی و ئەوەسا کاریگەری دیاریگ لەبان پلان کشتوکاڵی ئایندە کەێد.
ودیاری کرد ک خوەیژینی لە بەرهەمەیل کشتوکاڵی کەفتیەسە وەر مەترسی ئەگەر کەمی ئاوەگە وەردەوام بوود.
شەمەری جەخت کرد لە گرنگی وەردەوامبوین لە جەخت حکومەتی لەبان دوو هاوسا تورکیا و ئیران تا بەشەگەی عراق دابین بکەت، و تا ئی باوەتە وە چشتەیلیگ تر کێیە نەیەن ک خزمەت بەرژەوەنی هاوبەش و پەیوەندی دووانی نێکەن.
