رزگاربوین فەرماندەیگ سەربازی لە کوشتن و زەخمداربوین ئەفسەر و سەربازیگ لە دیالە

شەفەق نیوز/ سەرچەوەیگ ئەمنی لە دیالە، ئمڕوو پەنجشەممە، خەوردا لە رزگاربوین فەرماندەی فیرقەی پەنجەم لە سوپای عراق لە تەقەلای کوشتنی وە تەقینەوەی بومبیگ لە باکوور ناحیەی جەلەولا.

سەرچەوەگە ئەرا ئاژانس شەفەق نیوز وت؛ بومبیگ دانریاگ تەقیە بان ماشینیگ لیوا روکن عەدنان عناد فەرماندەی فیرقەی پەنجەم هەڵگردوێد، لە ناوچەی زۆر شێخ باوە، ک بویە هووکار زەخمداربوین ئەفسەریگ وەپلەی رائد و سەربازیگ وەگەردی لەناو ماشینەگە بوین.

سەرچەوەگە وتیش؛ فەرماندەی فیرقەگە هیچ زەخمدار نەوی و هیمان سەرپەرشتیاری ئۆپراسیۆنە ئەمینیەکان لە باکوور جەلەولا کەێد.