ئێرانیەیلیگ گورچگ خودیان لە عراق فرووشن

شەفەق نیوز/ میدیایل راگەیانن ئیرانی باس بڕێ لە هاووڵاتییە ئیرانیە نەداتەیلە کرد ک چنە عراق تا گورچگ خوەیان وە دۆلار بفرۆشن.  

سایت ئیران ئینتەرناشوناڵ لە زوان حسێن بیکلەری وەرپرس کۆمەڵگەی پاڵپشتیکردن بیمارەیل گورچگ لە کرمانشاە وت: بەشیگ لە نەدارەیل ئیرانی ک خوازن گورچگ خوەیان بفرووشن چنە عراق تا وە گرانتر و وە دۆلار بفرووشنەی. 

بیکلەری وتیش: بەشیگ ک نووڕن نرخەگەی ئیلا ئەرزانە، ئۊشن ئەوەسا لە عراق گورچگمان فرووشیمن، و بیمارەیلیش توانای سەنین گورچگ نەیرن لەوەر ئەو گرانیە.     

وەگورەی راپۆرت ئەو سایت ئیرانیە؛ نرخ فەرمی ئەرا فرووشتن گورچگ ٨٠ مەلیۆن تومانە، باوجی لە دەیشت ئەو کۆمەگە رەسێدە ١٥٠  تا ٣٠٠ مەلیۆن تومان.