ئیران ساڵانە نزیکەی 5000 کاڵا ئەرا عراق هەناردە کەێد
2023-06-14T11:33:39+00:00
شەفەق نیوز/ عەبدولئەمیر رەبیهاوی، وابەسەی بازرگانی لە باڵیۆزخانەی ئیران لە بەغدا رایگەیان؛ وڵاتەگەی ساڵانە نزیکەی پەنج هەزار کاڵا هەناردەی عراق کەێد.
یەیش لەناو دیدارەگەیگ وەگەرد چالاکەیل ئابووری لە پارێزگای زەنجان (خوەرئاوای ئیران)، ئیوارەی سێشەممە بوی، وەپەی راپۆرت ئاژانس هەواڵی فەرمی ئیران ک ئمڕوو چوارشەممە بڵاوی کرد.
رەبیهاوی وتیش: کۆمپانیایل خزمەتگوزاری تەکنیکی و ئەندازیاری دەرفەت فرە خاسیگ دیرن تا لە بازاڕ عراق ئامادە بوون.
وتیش ئامارەیل دەسنشان کەن ک ساڵانە نزیکەی چوار هەزار و 500 کاڵا لە ئیرانەو هەناردەی عراق کریەێد، هەناردەی ئیرانیش لە ساڵ گوزەشتە 10 ملیار و 236 ملیۆن دۆلار بویە، ک یەیش کاریگ بی وینەییە.
