داوەزین نوویگ لە ریاڵ ئیرانی وەرانوەر دۆلار
2022-12-11T12:52:03+00:00
شەفەق نیوز/ ریاڵ ئیرانی، ئمڕوو یەکشەممە، داوەزین نوویگ ئەرا ئاست خواریگ وەرانوەر دۆلار توومار کرد، وەگەرد وەردەوامی ناڕەزایەتیەیل لەناو وڵاتەگە.
ئاژانس رۆیتەرز لە زوان سایت بۆرسەی بیگانە «بونباست دۆت کۆم» وت: یەک دۆلار وە ٣٧٠ هەزار و ٢٠٠ ریاڵ ئیرانی لە بازاڕ نا فەرمی فرووشیا.
وتیش: ریاڵ ١٣،٨ لە سەد لە وەخت دەسکردن وە ناڕەزایەتیەیل لە ئاست وڵاتەگە لە ١٦ی ئەیلوول گوزەشتە تا ئیسە لەدەس داگە.
سایت «ئیکۆ ئیران» ئابووری لەبان ئەنتەرنێت وت: وەگورەی قسەی رۆیتەرز، بازرگانەیل هویچ ئومیدیگ نەیرن لە زنیکردن رێککەفتن ئەتۆمی وەرد هیزەیل جەهانی، و مەزەنە کەن ژوورەگە زیاترەوە بوود، لەوەر ئەو ناڕەزایەتیەیلە و پەیوەندیەیل سەربازی وەرد رووسیا.
ئیکۆ ئیران وتیش: بەشیگ لە بازرگانەیل نووڕن ک رەوشەیل ناودەوڵەتی ئیسە، هیلێد دەرفەت زنیکردن رێککەفتن ئەتۆمی کەم بوود، ک بازرگانەیل وەرخیگ چنە ناو بازاڕ و نرخ دۆلار وەرەو بان چوود.
