گریەبەسەیل کۆمسیۆن لە دیالە بایکۆت کەن
شەفەق نیوز/ فەرمانبەرەیل گریەبەسیەگان لە نووسینگەی هەڵبژاردن دیالە، ئمڕوو یەکشەممە، راگەیانن بایکۆتکردن کاریان ئەرا داواکردن وە چەسپانیان لە بوودجەی ٢٠٢١ و یەکسانکردن رەنجەیلیان ئەرا هەڵبژاردنەگان ساڵەیل گوزەیشتە.
نهاد حەمود ئەحمەد یەکیگە لە خۆپیشاندەرەگان ئەرا ئاژانس شەفەق نیوز وت: ١٧٩ فەرمابەر گریەبەسی لە نووسینگەی هەڵبژاردن دیالە و لە جووراجور کەرتە ئیداریەگان، وساننیگ ناڕەزایەتی و بایکۆت لەوەردەم نووسینگەی دیالە کردن لە وەر دویاخستن لەلایەن حکومەت و وەزارت دارایی لەباوەت داواکاریە شەرعیەگان وە چەسپانیان جوور هاوشیوەیلیان ئەرا ئەو رەنجەیلە ک وەدریژایی خولە هەڵبژاردنە وەرینەگان دانە.
حەمود وتیش: فەرمانبەرەیل گریەبەسیەگان یەکەم و دویاترین وسانن داشتنە لە سەرکەفتن هەڵبژاردنەگان لە گشت ناوچەیل دیالە، و دووپاتکرد لە وەردەوامبوین بایکۆتەگە تا داواکاریەیلیان لەلایەن حکومەت و وەزارت دارایی لە بوودجەی ٢٠٢١ جیوەجی کریەن.
