داوەزین هەناردەی نەفتی عراق وەرەو ئەمریکا وەماوەی هەفتەیگ
شەفەق نیوز/ وەڕێەوبەرایەتی زانیاریەیل وزەی ئەمریکا، ئمڕوو شەممە، داوەزین هەناردەی نەفتی عراق ئەرا ئەمریکا راگەیان، تا لە ماوەی هەفتەی گوزەشتە بڕەسێدە ١٣٤ هەزار بەرمیل لە رووژیگ،.
وەڕیەوبەرایەتیەگە لە راپۆرتیگ ک ئاژانس شەفەق نیوز نووڕیەی وت: ناوڕاس هاوردەێل ئەمریکا لە نەفت لە هەفتەی گوزەشتە لە هەشت دەوڵەت رەسیە ٥،٤٦٥ مەلیۆن بەرمیل لە رووژیگ ناویی ١٠٨ هەزار بەرمیل لە رووژیگ لە هەفتەی وەرجە خوەی بەرزەو بویە، ک ئەو هەفتەگە رەسیە ٥،٣٥٧ بەرمیلە رووژیگ.
وتیش: هەناردەی نەفتی عراق وەرەو ئەمریکا رەسیە ریژەی ١٣٤ هەزار بەرمیل لە روویگ لە هەفتەی گوزەشتە، ک لە هەفتەی وەرجە خوەی کەمترەو بوی، ک ئەو هەفتەگە رەسیە ٢٢٠ هەزار بەرمیل لە رووژیگ.
وتیش: فرەی داهاتەیل نەفتی ئەمریکا لە هەفتەی گوزەشتە لە کەنەدا هات وە ریژەی ٣،٤١٠ مەلیۆن بەرمیل لە رووژیگ، ئیجا مەکسیک وە ٧٤٨ هەزار بەرمیل لە رووژیگ، و داهاتەیل نەفتی لە سعودیە رەسیە ریژەی ٥٣٣ هەزار بەرمیل لە رووژیگ، ئیجا کۆلۆمبیا وە ٢١٨ هەزار بەرمیل لە رووژیگ.
وەگورەی وەڕێەوبەرایەتیەگە، بڕ هاوردەی ئەمریکا لە نەفت بەرازیل رەسیە ٢١٢ هەزار بەرمیل لە رووژیگ، و لە لیبیا ١٢٩ هەزار بەرمیل لە رووژیگ و لە نەیجیریا ٨١ هەزار بەرمیل لە رووژیگ، لە وەختیگ هویچ لە ئیکوادۆر و رووسیا هاوردە نەکردیە.
