عراق دویەمە لەناو دەوڵەتەیل زیاترین هەناردەی نەفت کەن ئەرا ئەمریکا

ئیدارەی ئەو وڵاتە لە خشتەیگ کە ئاژانس شەفەق نیوز نووڕیەی، وت: “وەگەرۆ هاوردەکردن نەفت خاو ئەمریکا لە ماوەی هەفتەی گوزەشتە لە هەشت وڵات گەورەوە رەسیەسە 4 ملیۆن و 872 هەزار بەرمیل لە رووژیگ، کە بەراورد وە هەفتەی گوزەشتە 802 هەزار بەرمیل لە رووژیگ کەم کردیە  کە بڕ 5.674 ملیۆن بەرمیل لە رووژیگ بوی”.

وتیش: "هەفتەی گوزەشتە هەناردەی نەفت عراق ئەرا ئەمریکا 380 هەزار بەرمیل لە رووژیگ بویە، کە وە بەراورد وە هەفتەی گوزەشتە 358 هەزار بەرمیل لە رووژیگ زیای کردسە، کە وە گشتی رەسیەسە 22 هەزار بەرمیل لە رووژیگ".

هەمیش وت "فرەی داهات نەفت ئەمریکا لەماوەی هەفتەی گوزەشتە لە کەنەداو هاتیە وڵ بڕ 3428 ملیۆن بەرمیل لە رووژیگ، دویای مەکسیک وە 380 ملیۆن بەرمیل لە رووژیگ، داهات نەفت بەرازیلیش وە 238 هەزار بەرمیل لە رووژیگ، و ئیجا کۆڵۆمبیا وە 157 هەزار بەرمیل لە رووژیگ”.

وەگورەی ئەوە “بڕ هاوردەی نەفت خاو ئەمریکی، لە ئیکوادۆرەو وە ڕێژەی 142 هەزار بەرمیل لە رووژیگ، لە نەیجیریا وە ڕێژەی 80 هەزار بەرمیل لە رووژیگ، و لە سعودیەو وە ریژەی 75 هەزار بەرمیل لە رووژیگ، لە وەختیگ هوسچ بڕیگ لە ڕووسیا و لیبیا هاوردە نەکریایە”.