دیالە سێ مردن وە تەو خوینوەربوین لەی ساڵە توومار کەێد

شەفەق نیوز/ وەرپرسیگ حکومەتی لە دیالە، ئمڕوو شەممە، توومارکردن سێیەم مردن وە تەو خوینوەربوین لە باکوور پارێزگاگە راگەیان.

عەبدولجەبار عوبەیدی وەڕیەوبەر ناحیەی عزێم ئەرا ئاژانس شەفەق نیوز وت: پیاویگ لەناو تەمەن چل ساڵان، دویای تویشهاتنی وەرجە چەن رووژیگ وە تەو خۊنوەربۊن لە ئاوای (حەمل) دەورگرد ناحیەی عزێم، گیانی لەدەسدا.

وتیش: ئەوەسا تیمەیل پەیوەندیدار دویای دەرچگن ئەنجامە کردنەگە و ئاشکراکردن تویشهاتنی وە تەو خوینوەربوین ریکارەیل خوەیان جیوەجی کەن.

دیالە ٣ مردن لە ٥ تویشهاتن وە تەو خوینوەربوین لە ماوەی ئی ساڵە توومار کرد.