دیالە دەسکەێدە بەسانن کامپەیل ئاوارەیی لە خانەقین
شەفەق نیوز/ فەرمانگەی کۆچ و کۆچبەرەگان، ئمڕوو سێشەممە، دەسکردە پلان بەسانن کامپەیل ئاوارەیی لە خانەقین، لە جیوەجیکردن بڕیار حکومەت عراق و وەزارەتەگە وە بەسانن کامپەیل ئاوارەیی لە پارێزگا رزگارکریایەگان.
عەلی غازی ئاغا وەڕێۆبەر فەرمانگەی کۆچ و کۆچبەرەگان ئەرا ئاژانس شەفەق نیوز وت: کادرەیل فەرمانگەگەی وە هەماهەنگی وەگەرد فەرمانگە پەیوەندیدارەگان دەسکردنە چووڵکردن کامپەیل ئاوارەگان لە خانەقین ئەلوەند ١ و ئەلوەند ٢، و ئاماژە کرد و چگنەوەی ١٣٠ خیزان لە کامپ ئەلوەند ١ و ئەلوەند ٢ ، و کارەیل چووڵکردن خۆبەخشانە و وەردەوامن.
ئاغا ئاشکرای ئاسانکاریەیل وەزارەتی کرد ئەرا هاندان چگنەوەی ئاوارەگان دویای نەمەنی بەهانەیل مەنینیان لە کامپەگان، ئەرا زویکردن لە چگنەوەیان وەرەو ناوچەبل خوەیان یا ناوچەیلیگ جیگر لە ناوچە ویرانکریاگان یا بەد خزمەتگوزارییەگان وەهەماهەنگی وەگەرد فەرماندەی ئۆپراسیۆنەگان دیالە و حەشد شەعبی.
و ئاماژە کرد ک وەزارت کۆچ و کۆچبەرەگان هان رێکخراوە ناودەوڵەتیەگان و مرۆییەگان دا ئەرا جیوەجیکردن بەڕنامەیل مرۆیی و خزمەتگوزاری ئەرا هاندان چگنەوەی ئاوارەگان ئەرا ناوچەیل نیشتەجییان و کۆتایی لە چەن ساڵەیلیگ، هاوردن وە نەهامەتیەیل ژیان و گوزرانی لە کامپەگان، و دووارە دووپاتکرد لە بەسانن کامپەیل ئاوارەگان لە دیالە وەرجە هاتن ساڵ نوو.
