خوازیە نەیلێد بدزێدەی.. ئەویش کوشێدەی.. هویردەکاری کوشتنیگ لەناو “توک توک” لە میسان.
2024-03-06T12:30:22+00:00
شەفەق نیوز/ ئمڕوو چوارشەممە، ٦ ئازار ٢٠٢٤، وەزارەت ناوخۆ دەسگیرکردن توومەتباریگ ڕاگەیان کە خاوەن “توک توک”یگ کوشت و دزی لەلی کرد لە پارێزگای میسان، و هویردەکاریی ئەو تاوانە ئاشکرا کرد کە لە قەزای کەحلا رویدا.
وەزارەتەگە لە بەیاننامەیگ رەسیە ئاژانس شەفەق نیوز وت: کوشتنیگ لە قەزای کەحلا لە پارێزگای میسان رویداگە و دویای دوو رووژ لە ئەنجامدان تاوانەگە، لە ئەنجام کار پیشەیی، رەوشەیل تاوانەگە ئاشکرا بویە و تاوانبارەگە دەسگیر کریا.
لە بەیاننامەگە وتیش: "دویای پرسیارکردن وەگەرد توومەتبار، دان وە تاوانەگەی داناس کە قوربانییەگە لە قەزای کەحلا وەرەو ناحیەی قەلعە ساڵح وە کرا گردیە دزینی توک توکەگە لەلی بدزێد، دویای ئەوەگ قوربانییەگە نواگیریی کردگە، کە ئەویش کوشتیەسەی و توک توکەگەی دزیە"، وتیش؛ "ریکارەیل یاسایی لە دژی جیوەجی کریاس و قسەیلی توومار کریاس پێدراوە.".
