دەسگیرکردن دوو کەس دەسیان هاناو کوشتن باوگ چالاکوان بیسەروشوینیگ

شەفەق نیوز/ سەرچەوەیگ ئەمنی لە پارێزگای میسان، ئمڕوو شەممە، خەوەردا لە دەسگیرکردن دوو کەس دەسیان هاناو کوشتن چاسپ هێلەچی لە پارێزگاگە.

 سەرچەوەگە ئەرا ئاژانس شەفەق نیوز وت: هێزیگ ئەمنی تایبەت دوو کەس دەسگیر کرد دەسیان خاناو کوشتن چاسپ هێلەچی باوگ پارێزەر بیسەروشوین (عەلی چاسپ)، وتیش؛ دوو توومەتبارەگە وەرەو ینکەیگ تایبەت بریان.

لە ئازار ٢٠٢١ سەرچەوەیگ ئەمنی لە پارێزگای میسان خەوەر لە کوشیان باوگ پارێزەر بیسەروشوین عەلی چاسپ دا.

عەلی چاسپ لە هەیشت تەشرین یەکەم ٢٠١٩ رفیا، و لەو مەقەو بیسەروشوین بویە.