پەیاکردن تەرمیگ سەربڕیاگ لە میسان و کوشیان کابرایگ وە چەقو لە کەلار
2021-09-08T12:05:00+00:00
شەفەق نیوز/ سەرچەوەیگ ئەمنی لە پارێزگای میسان، ئمڕوو چوارشەممە، خەوەردا لە پەیاکردن تەرمیگ نەناسریاگ لە باشوور پارێزگاگە، و پەیامنێر ئاژانس شەفەق نیوز خەوەردا لە کوشیان کابرایگ وە چەقو لە قەزای کەلار لە هەرێم کوردستان.
سەرچەوەگە ئەرا ئاژانس شەفەق نیوز وت: هێزیگ ئەمنی، تەرمیگ نەناسریاگ و سەربڕیاگ لە نزیک پوڵ هیندی لەکنار چەمەگە لە قەزای مجەر کەبیر لە باشوور پارێزگاگە پەیا کرد.
سەرچەوەگە دیاری کرد ک تەرمەگە وەشیوەی لەشەگەی پیاو پیریگ نشان دەێد، وتیش؛ دەزگا ئەمنیەیلە تەرمەگە وەرەو پزشک دادوەری رەوانە کردن.
لە شوینیگ تر، پەیامنێر ئاژانس شەفەق نیوز وت: هاووڵاتییگ لە تەمەن ٢٤ ساڵان لە قەزای کەلار لەناو مرافەیگ وە چەقو کوشیا.
هەرلیوا، وەکوتپڕ ووردەکاریەیل رووداوەگە ئاشکرا نەوی.
