خوەیکوشتن خانمە پەرستاریگ و گەنجیگ لە بابل و بەغداد
2022-06-01T08:09:05+00:00
شەفەق نیوز/ دوو سەرچەوەی ئەمنی، ئمڕوو چوارشەممە، خەوەردان لە توومارکردن دوو خوەیکوشتن لە پارێزگایل بابل و بەغداد، یەکیگیان ژنیگە و ئەوەکە گەنجیگ.
سەرچەوەیگ لە بابل ئەرا ئاژانس شەفەق نیوز وت: خانمە پەرستاریگ لە فەرمانگەی تەندروسی بابل، لەناو ماڵەگەی خوەی لە ناوچەی سەیلە ناوڕاس حلە، دۊای مرافەیگ وەرد شۊەگەی خوەی وەسێدارە کوشت.
سەرچەوەیگتر وت: زانیاری ئەرا خاڵ ناوەندی رەسیە وە رویداویگ کوشتن، لەناوچەی حەمیدیە لە بەغداد پایتەخت.
سەرچەوەگە دیاری کرد ک کابرایگ پەیوەندی وە لایەنەیل ئەمنی کردیە، ک براگەی لە تەمەن ١٨ ساڵان، لەناو ژووریگ لە ماڵەگەی گولە لەخوەی دایە، ک وەکوتپڕ خوەی کوشتیە، وتیش لێکۆڵینەوە ئەرا رەسین وە بندروس رویداوەگە واز کریا.
