بابل...خیزانیگ لە خوەیکشتن قوورتار کریەن

شەفەق نیوز/ فەرماندەیی پۆلیس بابل، ئمڕوو پەنجشەممە، خەوەردا لە قورتارکردن سێ ئەندام خێزانیگ ک تەقەلای خوەیکوشتن وە کۆمەڵ دانە.   

وەڕێەوبەر پۆلیس دەریاوانی، عەمید ماهر تورکی شەمەری، بەیاننامیگ راگەیان، مەفرەزەیلمان توەنستەنە سێ کەس لە ئەندامەیل خیزانیگ لە مردن قورتاربکەن ک خوازینە وەیەکەو لەناو ئاو فورات کۆتایی وە ژیانیان بارن، باوجی نەتوانستنە ئەندامیگ لە خێزانەگە قورتار بکەن ک مناڵیگ بویە. 

وتیش، "باوگەگە خوازیە وە فڕەداین خوەی و هاوسەر و دو مناڵەگی لەبان بەرزترین پیەڵ شان چەمەگە کۆتایی وە ژیان خوەیان بارێد، باوجی وەلایەن هاوڵاتیەیل ئاگادار کریانە،  وەلایەن مەفرەزەیل و وە دەسمیەتی مەردم ناوچەگە باوگ و داڵگە و مناڵیگ وە زینگی قورتارکریان، باوجی مناڵەگەی تر نەتوەنستنە قوورتاربکەن تا ئیسەش مینەکردن ئەرا تەرم منالەگە وەردەوامە".