کوشیان و زەخمداری وە مرافەیگ هووزانە لە بەغداد وپەیاکردن تەرمیگ لە بابل

شەفەق نیوز/ سەرچەوەیگ ئەمنی، ئمڕوو یەکشەممە، خەوەردا لە کوشیان یەک کەس لەلای کەمەو، لە مرافەیگ هووزانە لە باکوور بەغداد پایتەخت.    

سەرچەوەگە ئەرا ئاژانس شەفەق نیوز وت: یەک کەس کوشیا ودووانیش زەخمدار بوین، لەناو مرافەیگ هووزانە وە چەک سووک لە قەزای تارمیە باکوور بەغداد.  

سەرچەوەگە وتیش ئەو باسەیلە ک لەبان ماڵپەڕەیل سۆشیال میدیا ئۊشن گوایە پەلامار داعش بویە راس نییە.  

لە رویداویگ تر، هیزە ئەمنیەیلە شەوەکی ئمڕوو، تەرم گەنجیگ نزیک یەکیگ لە بووسانەیل ناحیەی کفل باشوور پارێزگای بابل پەیا کردن. 

سەرچەوەیگ ئەمنی وت: تەرمەگە چەن شوینیگ چەقو لەلەشی بوی، ودەزگا ئەمنیەیلە لێکۆڵینەوە لە رویداوەگە واز کردن.