هیزگردن ئاگر لە بینایگ لە بەغدا و کپەوکردن ئاگری خەسخانەیگ لە بابل

شەفەق نیوز/ سەرچەوەیگ لە وەڕێەوبەرایەتی وەرگیری شارستانی، ئمڕوو یەکشەممە، خەوەردا لە هیزگردن ئاگریگ   لەناو بینای دانشتوان لە خوەراوای بەغدا. 

سەرچەوەگە وە ئاژانس شەفەق نیوز وت:" تیم وەرگیری شارستانی رەسینە ئەرا کوشانن رویداو ئاگرەگە ک لە ناو بینایگ دوو نهۆم رویدایە لە ناوچەی جادەی 14 رەمەزان. 

هەمیش تێمەیل وەرگیری شارستانی لە پاێزگای بابل رویداوگ ئاگر  کپەو کردن لەناو کافتریایگ لە خەسخانەی ئسکەندریە. 

لە بەیاننامەیگ وت، تیمەیلیان کۆنترۆل ئاگرەگە کردنە وە وەختیگ پەێمانەیی،  ریگری لە فرەوبوین و بڵاوبوینی لە بەشەیلتر خەسخانەگە کردن وەبی هویچ زەرەد گیانی.

 وتیش ، هووکار رویداوە وە لایەن شارەزایگ بەڵگەی تاوانەیل دیاریکرێد.