خنکیان مناڵیگ و ئەندامیگ حەشد و دەسگیرکردن کابرایگ خوەی کردیەسە پزشک لە دوو پارێزگا
لە دیالە، سەرچەوەگە ئەرا ئاژانس شەفەق نیوز وت: ئەندامیگ لە حەشد شەعبی وە کەفتن ماشینەگەی وەناو چەم خاڵس گیانی لەدەسدا، وتیش: هیزیگ لە وەرگیری شارستانی تەرمەگەی ئەرا پزشک دادوەری برد، و لێکۆڵینەوە لە رویداوەگە واز کریا.
لە خود پارێزگا، سەرچەوەیگ ئەمنی ئەرا ئاژانس شەفەق نیوز وت: تیمیگ وەشکین لە فەرمانگەی تەندروسی دیالە وە هاوکاری وەرد هیزەیل ئەمنی، توەنستن بچنە ناو نووڕینگەی پزیشکیی درووکانی و کەسیگ لەناوی خوەی کردیەسە پزشک لە ناحیەی قەرەتەپە، دیاری کرد ک ئەو نووڕینگەی درووکانیە وەتەواوی بەسیا، و ئە کابرا دەسگیر کریا.
وتیش: دەسنریا بان ئامێر و کەرەستەیل وەگەرد دەرمانەیل تا تەواوبوین ریکارەیل لێکۆڵینەوە و دادوەری.
لە پارێزگای نەینەوا، سەرچەوەیگ پزشکی ئەرا ئاژانس شەفەق نیوز وت: دویەتیگ لە تەمەن یەک ساڵ و نیم لەلای چەپ مووسڵ گیانی لەدەسدا، هەناێ کەفتە ناو تەیشتیگ ئاو، و نەتوەنست لەناوی دەرچوود، و کەسوکاری ئاگادار نەوینە.
