بزوتنەوەی ئیمتیداد عەلا رکابی لەپۆست سکرتێر گشتیی لاوەێد

شەفەق نیوز/ سکرتاریەتی گشتی "بزووتنەوەی ئیمتیداد " ک لە ناڕەزایل تەشرین لە عراق دەرچگە، ئمڕوو پەنجشەممە، بڕیار لاوردن عەلا رکابی لە پۆست سکرتێر گشتی بزووتنەوەگە دا.  

سەرچەوەیگ نزیک لە بزووتنەوەگە ئەرا ئاژانس شەفەق نیوز وت: سکرتاریەت گشتی بزووتنەوەی ئیمتیداد بڕیایدا عەلا رکابی لو پۆستەگەی لاوەێد، لە گامیگ خاسەوکردن لەوەر ئەو هەڵە وتەکەپایلە لەماوەی گوزەشتە.  

ئی بڕیارە لەپشت وازهاوردن پەنج پەرلەمانتار لە بزووتنەوەگە تیەێد، ک خوەیان: داود عیدان، محمد نوری، نیسان زایر، نیدا گرێتی، و کازم فەیاز بوین. 

پەرلەمانتارەیل وتن: هووکار وازهاوردنیان لەوەر دەرچگن بزووتنەوەگە لە رینمایل تەشرین بویە، و بڕیاردان سکرتێر گشتیی وە تاکانە، وەبی سڵای دامەزراوەیلی، وتوومەتکردن بەشیگ لە پەرلەمانتارەیل وە خیانەت وگەندەڵی وەبی بەڵگە.