کوشیان خانمە پەرلەمانتاریگ ئەسیوپی وە گولەی پۆلیسیگ

شەفەق نیوز/ خانمە وەرپرسیگ لە حزب دەسەڵاتدار لە ئەسیوپیا، وە رویداو نادیار و دەگمەنیگ کوشیا.

پۆلیسیگ لە فڕۆکەخانەی شار جیگجیگا لە هەرێم سۆماڵ ئەسیوپیا خوەرهەڵات وڵاتەگە، تەقە لە جویریە محمد ئیبراهیم خانمە ئەندام دەسەی ناوەندی حزب ئیزدەهار کرد، ک بویە هووکار کوشتنی و زەخمداری ٤ کەس.

جویریە ئیبراهیم ئەندامە لە پەرلەمان هەرێم سۆماڵ ئەسیوپیا.

دەسەڵاتەیل ئاسایش فڕۆەکخانەگە پۆلیسەگە دەسگیر کردن، و لێکوڵینەوە لە رویداوەگە واز کردن.

یە یەکەمین رویداوە لەیجویرە لە ئەسیوپیا، ک پۆلیسیگ لەناو فڕۆکەخانە تەقە لە مەدەنی بکەێد.