کەفتن نزیکەی ٣٠ کوشیان وە گورزیگ ئاسمانی لە ئەسیوپیا
2023-08-15T07:56:53+00:00
شەفەق نیوز/ وەرپرسیگ پزیشکی و یەکیگ لە دانیشتگەیل ئەرا ئاژانس فرانس پرێس وتنە؛ لە پەلاماریگ ئاسمانی کە ناوچەی ئەمهارا لە ئەسیوپیا کە جەنگ هاناوی، ٢٦ کەس لەلای کەمەو کوشیان.
ئەو گورزە کە رووژ یەکشەممە وەشیا، تونوتیژترین گورزیگ بوی لەوەختیگ جەنگ و وەردەوەرد کەفتیەسە ناوەین ئەندامەیل سوپای ئەسیوپیا و میلیشیای ناوخوەیی "فانۆ" لە ناوچە و شارەیل ئەمهارا، یەیش لە پشت گرژی چەن مانگیگ هات.
وەرپرس یەکیگ لە خەسەخانەیل شار ڤینوتی سەلام وتیە: "22 تەرم رەسیە خەسەخانە چوار کەس تریش کە وە سەختی زەخمدار بوین، هەر زوی دویای رەسینیان گیانیان لەدەسدانە".
وتیش: تا ئیسە 55 زەخمدار هاتیەسە خەسەخانە کە زیاتر لە 40یان زەخمییان سەختە.
