دەسگیرکردن رووژنامەوانیگ فەرەنسی لە ئەسیوبیا وە توومەت ئاژاوەگێری
2024-02-26T13:59:24+00:00
شەفەق نیوز/ رووژنامەی "ئەفریقا ئێنتلیجنس"، ئمڕوو دووشەممە، دپاتکرد پۆلیس ئەسیوبیا رووژنامەوانیگ فەڕەنسی دەسگیرکردیە کە کار ئەرایان کرد وە توومەت "پیلانگێری ئەرا دروسکردن ئاژاوە".
گۆڤارەگە راگەیاندیە، پۆلیس ئەنتوان جالیندوا لە رووژ پەنجشەممەی، وەرین دەسگیرکردیە لەمەوقەی ئەنجامداین کارەگەی لە پایتەخت ئەدیس ئەبابا، وتیش لە رووژ شەممە، دادوەر ماوەی دەسوەسەرکردنەگەی تا یەک ئازار درویژەو کردیە.
لە گۆڤارەگە وتیش، جالیندو "گومانلێکریاگە وە پیلانگێران ئەرا دروسکردن ئاژاوە لە ئەسیوبیا" لە 24 شوبات خریاسە وەردەم دادوەر و پارێزەرەگەی ئامادەی دانشتنەگە بویە خەوەردارە لەو توومەتەیلە ئاراستەی کریانە.
وتیش "ئەفریکا ئێنتلیجنس شەرمەزار دەسگیرکردنەگە کەێد و داوای ئازادکردنی کەێد دەسوەجی وەپای ئاژانس "رۆیتەرز".
