مەسرور بارزانی: پەلامارەیل داعش ئامانجیان چووڵکردن دانیشتگەیل و ئاڵشتکردن دیمۆگرافییە
شەفەق نیوز/ سەرۆک هەرێم کوردستان مەسروور بارزانی ، ئمروو دووشەممە، پیشوازی لە ئێریک شۆڤالیێ باڵیۆز فەرەنسا لە عراق کرد.
لە دیدارەگە ئۆليڤيێ ديكۆتينێ كونسوڵ گشتيى فه‌ره‌نسا لە هەرێم کوردستان ئامادەبۊی، گفتوگو لەباوەت بارودۆخ گشتیی و پرۆسەی سیاسیی عراق دۊیای هەڵوژاردن ئەنجومەن نوێنەران و پەلامارەیل تیرۆریسەیل داعش، ئەرا ناوچە کوردستانیەگان لە دەێشت ئیدارەی هەرێم کریا.
سەرۆک حکومەت باس لە گرنگیی هەماهەنگی مابەێن پێشمەرگە و سوپای عراق و هاوپەیمانی ناودەوڵەتی کرد، ئەرا کۆتایی هاوردن وە پەلامارە تیرۆریەیل داعش وە رۊ دانیشتووان ناوچە کوردستانییەیلە ودەێشت ئیدارەی هەرێم، ک بەشیگە لە هەڕەشەیل وەردەوامە ئەرا خەڵک ئەو ناوچەیلە، وە ئامانج چووڵکردنیان و ئاڵشتکردن دێمۆگرافیای ناوچەگە .
باڵیۆز فەرەنسا پشتیوانی وڵاتەگەی ئەرا هێز پێشمەرگە دووپاتکرد لە جەنگین دژ وە داعش و هاوردنەوەی سەقامگیریی ئەرا ئەو ناوچەیلە رۊیوەرۊی هەڕەشەی تیرۆریستەیل بۊینە.
لە تەوەریگتر کۆبۊنەگە، بارودۆخ کووچبەرەیل سنوور بیلارووس و پۆڵەندا تاووتوێ کریا. باڵیۆز فەرەنسا، سوپاس حکومەت هەرێم کوردستان کرد ئەرا گردنەوەر ڕێکاری پێویست ئەرا نواگیری کردن لە کووچەیل نایاسایی و کارئاسانیکردن ئەرا ئەو کووچبەرەیلە وە ئارەزوومەندانە، گلەوخواردنە ئەرا هەرێم کوردستان.
