دەیان کوشیان لە لە رووداو نقوم بۊین بەلەم کووچبەرەیل لە باکوور فەرەنسا

شەفەق نیوز/ وەلای کەمەو 27 کووچبەر گیان لە دەسدان دۊیای ئەوەگ بەلەمەگەیان لە کالیە نووقم بۊی لەو شۊینە ک تەقەلا  داۊن بچنە باکوور فەرەنسا دۊیای رەدکردن سنوور بەریتانیا، ئی کارەسات مرۆییە بی وینەیەگە لەبان ئی ری کووچبەرییە، پاریس و لەندەن داوای رێککەفتن کردن لە " پیویستی وە پەلە" ئەرا تۊنکردن هاوکاری نوانیان ئەرا وسانن ئەو نەهامەتییە.    

ئیمانوێل ماکرۆن سەرۆک فەرەنسا دەسوەجی داوای "وەهێز بۊین خێرا" لە ئاژانس ئەوروپای فرۆنتێکس کرد و کۆبۊین ئەوروپایی "وەپەلە" کرد و پەیمان دا ک "فەرەنسا ری نیەدەێد کەناڵەگە بوودە قەورسان".    

 ماکرۆن داوای  "وەهێزبۊین دەسوەجی ئەو ئامێرەێلە کرد ک هاوەردەس  فرۆنتێکس" لە سنوورەگەی دەێشت یەکێتی ئەوروپا، وەگورەی کۆشک ئەلیزی وتیش:داوای "کۆبۊینەوەی خێرا ئەرا وەزیرەێل ئەوروپی ک نیگەرانن لە رۊیداری کووچکردنە، دوپاتکرد گشت رێکارەێل  گرنەوەر ئەرا پەیاکردن وەرپرسەێل رووداوەگە و ئیدانەیان کەن.    

رووداوەگە  وەلایەن جان کاستیکس سەرۆک وەزیران فەرەنساوە وە "تراژیدیا" وەسف کریا، بۊیە مدووی بەرزترین شمارەی قوربانی لە مەوقەی بەرزەوبۊین شمارەی رەدکردن کەنالەگان لە  2018.