زەخمداری پاسەوان پەرلەمانتاریگ عراقی وە پەلاماریگ لەبان نویسینگەی.. ڤیدیۆ
شەفەق نیوز/ پەرلەمانتار عەتوان عەتوانی لە دەوڵەت یاسا، ئمڕوو پەنجشەممە، خەوەردا لە زەخمداری یەکیگ لە ئەندامەیل پۆلیس فیدراڵی ک پاسەوانی نویسینگەی کەن، وە پەلاماریگ چەکدار لە خوەرهەڵات بەغداد پایتەخت.
عەتوانی لە بەیاننامەیگ رەسیە ئاژانس شەفەق نیوز وت: گولەی تیرۆر هەرچەنی دەنگی بەرز بوود رخمان نیەوەێد، باوجی دڵمان ژان کەێد هەنای نووڕیمنە ئی رەفتارەیل ناشرینە ک زیڕە وە ژن و مناڵەیل لە خەڵک ناوچەی ئاراممان کەێد، ک چەنیگ ئەرا خزمەتیان شەونەخەفی کردیمن.
عەتوانی وتیش: وەداخەو ک یەکیگ لە پاڵەوانەیل پۆلیس فیدراڵی لە پاسەوانی نویسینگەی خزمەتیمان لەی پەلامار گوناهبارە زەخمدار بوی.
عەتوانی وتیش: ئیمە واز لە وەرپرسایەتیمان وەرانوەر نیشتمانمان نیاریمن هەرچەگ سەختی بوود.
ئاژانس شەفەق نیوز پارچە ڤیدیۆیگ کەفتە دەسی ک پەلاماریگ چەکدار لەبان نویسینگەی عەتوانی وە گولە لە ناوچەی کەمالیە نشان دەێد.
