بەغداد.. مردن دوو کەس لە ئاگریگ لە پێکهاتەیگ زوی ئاگرسین
شەفەق نیوز/ سەرچەوەیگ لە وەرگری مەدەنی، ئمڕوو یەکشەممە، خەوەردا لە مردن دوو کەس و رزگار کردن سێیان تر لە یەک خیزان لەوەر ئاگریگ لەماڵیگ وەپێکهاتەیگ زوی ئاگرسین دروسکریاگە لە بەغداد.
وەڕێوبەرایەتیەگە لەبەیاننامەیگ رەسیە ئاژانس شەفەق نیوز وت: تیمەگانی توێنستن ئاگرگیگ لە ناوچەی ئەعزەمیە گەڕەک قاهیڕە کپەو بکەن ، لە ناو ژووریگ لە قات دوویەم وە ساندویچ پەناڵ دروسکریاگە، ک زوی ئاگرسینێد و پێشیلکردن رینمایل وەرگری مەدەنی کەێد.
وتیش؛ تیمەیل وەرگری مەدەنی سێ هاووڵاتی لەیەک خیزان رزگارکردن تووش خنکیاگی سەختیگ هاتن لەوەر دەرچگن گاز ژەهرین، وە کوتپڕ تیم فریاکەفتن دەسکردە ئەوزەڵکردن سویە ئەرایان، ئیجا رەوانەیان کرد ئەرا خەسەخانە نزیکەگە ئەرا وەرگردن چارەسەری.
وئاماژەدا ک دوو کەس لەوەر ئاگرەگە مردن، و تیمەیل وەرگری مەدەنی تەرمەیلیان لەناو ئاگرەگە دەرکردن، ورەوانەیان کردن ئەرا پزشکی دادوەری وەگورەی ریکارە یاساییەگان.
