بەرزەوبۊین کەمیگ لە نرخ تەڵا لە بازاڕەیل عراق
2021-12-08T09:20:08+00:00
شەفەق نیوز/ نرخ تەڵای عراقی و بیگانە لە بازاڕ ناوخۆیەێلە، ئمڕوو چوارشەممە ، 8 کانون یەکەم 2021 کەمیگ بەرزەو بۊی.
پەیامنێر ئاژانس شەفەق نیوز وت : نرخ فروشتن یەک مسقال تەڵای عەیار 21 خەلیجی و تورکی و ئەوروپی لە جادەی نەهر رەسیە367هەزار دینار، نرخ سەنینی رەسیە 363 هەزار، نرخ فروشتن رووژ سێشەممە 367 هەزار دینار بۊی.
پەیامنیرمان وتیش: نرخ فروشتن یەک مسقال تەڵای عراقی بەرزەوبۊین وە خوەی دی لە پای 337 هەزار دینار وە نرخ سەنینی رەسیە 333 هەزار دینار.
لە باوەت نرخ تەڵا لە دوکانەێل زەرەنگەریل نرخ فروشتن یەک مسقاڵ تەڵای عەیار 21 خەلیجی ها لە ناوەنی 365 هەزار دینار و و370 هەزار دینار، نرخ تەڵای عراقی ها لە ناوەنی 335 هەزار و و340 هەزار دینار.
