بەرزەوبوین نرخ تەڵا لە بازاڕەیل عراق
2021-04-29T08:46:15+00:00
ئاژانس شەفەق نیوز لیستیگ وەنرخەیل تەڵای بیگانە وعراقی لە بازاڕە ناوخۆیەکان ئەرا ئمڕوو پەنجشەممە ٢٩ی نیسان ٢٠٢١ بڵاو کەێد.
لە بازاڕەیل بڕ فرووشەکان لە جادەی نەهر لە بەغداد، نرخەیل تەڵا بەرزەو بوین تا نرخ فرووشتن یەک مسقاڵ عەیار ٢١ لە تەڵای خەلیجی و تورکی و ئەوروپایی بڕەسێدە ٣٦٥ هەزار دینار، و نرخ سەنین رەسیە ٣٦٠ هەزار دینار.
نرخ فرووشتن یەک مسقاڵ تەڵای عراقی رەسیە ٣٣٥ هەزار دینار ، و نرخ سەنینی رەسیە ٣٢٠ هەزار دینار.
لەباوەت نرخەیل تەڵا لە دوکانەیل زەڕنگەرەیل، نرخ فرووشتن یەک مسقاڵ تەڵای خەلیجی عەیار ٢١ هالە ناونی ٣٦٥ هەزار و ٣٧٠ هەزار دینار، و نرخ فرووشتن یەک مسقاڵ تەڵای عراقی هالە ناونی ٣٣٥ هەزار و ٣٤٠ هەزار دینار.
