داوەزین نرخ تەڵا لە بازاڕەیل عراق
2021-06-30T09:37:32+00:00
شەفەق نیوز/ ئاژانس شەفەق نیوز لیستیگ وە نرخەیل تەڵای بیگانە و عراقی لە بازاڕە ناوخۆیەکان ئەرا ڕووژ چوارشەممە، ٣٠ حوزەیران ٢٠٢١ بڵاو کەێد.
لە بازاڕەیل بڕ فرووشەیل لە جادەی نەهر لە بەغداد، نرخ تەڵا داوەزیا تا نرخ فرووشتن یەک مسقاڵ عەیار ٢١ لە تەڵای خەلیجی و تورکی و ئەوروپایی بڕەسێدە ٣٥٨،٥٠٠ هەزار دینار، و نرخ سەنینی رەسیە ٣٥٣،٥٠٠ هەزار دینار.
نرخ فرووشتن یەک مسقاڵ عەیار ٢١ لە تەڵای عراقی رەسیە ٣٢٥ هەزار دینار، و نرخ سەنینی رەسیە ٣٢٠ هەزار دینار.
لەباوەت نرخەیل تەڵا لە بازاڕەیل زەڕنگەرەیل، نرخ فرووشتن یەک مسقاڵ تەڵای خەلیجی عەیار ٢١ هالە ناونی ٣٦٠ هەزار و ٣٦٥ هەزار دینار، و نرخ فرووشتن یەک مسقاڵ تەڵای عراقی هالە ناونی ٣٢٥ هەزار و ٣٣٠ هەزار دینار.
