کازمی چەودیری ئامادەباشیەگان ئەرا نواگردن وارانەگان کەێد
2020-11-28T12:03:30+00:00
شەفەق نیوز/ موستەفا کازمی سەرۆک وەزیران، ئمڕوو شەممە، چەودیری ئامادەباشیە وەردەوامەگان ئەرا دابینکردن وەڕیەوچگن ئاو وارانەگان کرد، و سەردان یەکیگ لە ویستگەیل وەڕیەوچگن ئاو لە لای کەرخ کرد، و چەویکەفتە کادرەگانی.
وەگورەی بەیاننامەی نووسینگەگەی ک رەسیە ئاژانس شەفەق نیوز؛ کازمی لە مەیدانەو چەودیری ئامادەباشیەگان کرد ک کادرە خزمەتگوزارییەگان لە ئەمانەت بەغداد و ئەو دەزگا خزمەتگوزارییەگان ئەرا دابینکردن وەڕیەوچگن ئاو وارانەگان کەن.
کازمی رینما دا وەپشتسەرناین ئەو گرفتەیلە ک کەفنە نوای کار ئی کادرەیلە، و زویکردن لە کارەیلیان لەبان ئەو ریگریەیلە ک کەفنە نوای تووڕ وەڕیەوچگن ئاوەگان لە گشت وڵاتەگە،ک زیان لە کۆنەیی ونەووەو نەکردن دوینن، و هەمیش نێەگونجیەن وەگەرد زیایبوین دانیشتوەیل ک لە گشت کەڕەکەیل شار بەغداد بوون.
