کازمی: ئەنجامدان هەڵبژاردنەگە لەمەوقەگەی خوەی ئەرک منه
2020-11-15T13:59:13+00:00
شەفەق نیوز/ موستەفا کازمی سەرۆک وەزیران، ئمڕوو یەکشەممە، دووپاتکرد ک ئەنجامدان هەڵبژاردنەگە لە مەوقەی بڕیاردریاگ خوەی ئەرک حکومەتەگەیە.
نووسینگەی راگەیانن سەرۆک وەزیران، لە بەیاننامەیگ رەسیە ئاژانس شەفەق نیوز وت: موستەفا کازمی سەرۆک وەزیران لە پێشوازی کردن یەکیگ لە ئەندامەیل کۆمسیۆن باڵای سەروەخوەی هەڵبژاردنەگان دووپاتکرد ک حکومەتەگە پابەندە وە مەوقەی هەڵبژاردنەگە لە شەش حوزەیران ٢٠٢١.
بەیاننامەگە لە زووان کازمی وت: هەڵبژاردن زوینەگە ئەرک حکومەتەگەمانە و داواکاری گەل و شۆڕش تەشرینە.
کازمی ئەرا ئەنداکەیل کۆمسیۆن وت: هەرچەگ خوازین ئەرا ئەنجامدان هەڵبژاردنەگە لە مەوقەگەی خوەی، ئیسە داوای بکەن، تا لە نزیکترین دانیشتن بخریەێدە وەردەس ئەنجومەن وەزیران، و ئیجا بڕیار داواکاریەگاندان بیریەێد ک ئەنجام ئی ئەرک مێژوویە ئەرا حکومەتەگەمان دەێد.
کازمی جەختکرد لە دەرکردن فەرمانەیل ئەرا گشت وەزارت و دامەزراوەیل دەوڵەت وە شکستهاوردن لە ریگریەگان و ریگرە بیوقڕاتیەگان لەوەردەم کۆمسیۆن هەڵبژاردنەگان.
سەرۆک وەزیران ئاماژە کرد ک لیست دەنگدەرەگان سەختی گەورایگە، وبایەدە وەدریژی ساعتەگە کار بکریەێد ئەرا دابینکردن پێداویستیەیل سەرکەفتن هەڵبژاردنەگان.
