کازمی فەرمان دەێدە سوپا وە بەسانن مەرزە نا فەرمییەگان
2020-11-16T12:28:24+00:00
شەفەق نیوز/ موستەفا کازمی سەرۆک وەزیران، ئمڕوو دووشممە، فەرمان داگە فەرماندەی ئۆپراسیۆنە هاوبەشەگان وە بەسانن مەرزە سنووریە نا فەرمییەگان، ئەرا نواگردن قاچاخی.
ئی فەرمانە لە کۆبونەوەی ئەنجومەن لایەنە پەیوەندینەدارەگان وە وەزارەتیگ ودەزگا سەروەخوەیەگان هات، وەگورەی بەیاننامەی عومەر عەدنان وائلی سەرۆک دەزگای مەرزە سنووریەگان.
وائلی وت: کازمی دەسخوەشی لە ئەرکەگان مەرزە سنووریەگان کرد و ریکارەیلیان لە کۆنتڕۆڵکردن و گەوراکردن داهاتە حکومەتیەگان.
وتیش؛ سەرۆک وەزیران رازی بوی لە پاڵپشتی سامانە مرۆییەکان و گواستنەوەی فەرمانبەرەگان لە دەزگای هەواڵگری ئەرا دەزگاگە، و دووپاتکردن لە پابەندی گشت ئەندامەیل ئەنجومەن دەزگاگەوە بڕیارەیل کۆبونەوەگانی ک نۆینەرەیل وەزارەتەگان و دەزگاگان و پارێزگا پەیوەندیدارەگان وە مەرزە سنووریەگان گرنەو.
وائلی ئاماژە کرد ک کازمی دووپاتکرد لە گرنگی گەشەپێدان مەرزە سنووریەگان وهاندان بەرهەمهاوردن لەناویان، و زویکردن لە رێکخستن رێکارە گومرگیەگان ئەرا لەناوبردن گەندەڵی ئیداری و دارایی.
وائلی وتیش؛ کازمی فەرمان داگە فەرماندەی ئۆپراسیۆنە هاوبەشەگان وەبەسانن مەرزە نا فەرمییەگان ئەرا وسانن قاچاخیەگان و زەرەدداین وە ئابووری نیشتمانی و مقەیەتی بەرهەم ناوخۆیی.
