گورز نوویگ لەبان زابوريجيای ئۆکرانی ١٧ کەس کوشێد
شەفەق نیوز/ ١٧ کەس لەلای کەمەو کوشیا، وە گورزیگ لەبان شار زابوريجيا (باشوور ئۆکرانیا )، دویای سێ رووژ لە گورزەیلیگ وەرین، ک هەمیش ١٧ کوشیاگ لەلی بویەو، وەگورەی سەرچەوەیلیگ فەرمی.
ئەمیندار گشتی ئەنجومەن شارەوانی شارەگە، ئەناتولی کورتێڤ، لەبان هەژماری لە تیلیگرام وت: دویای پەلاماریگ شەوانە وە مووشەک لەبان زابوريجيا، ١٧ کەس کوشیا، وەگورەی ئاماریگ سەرەتایی لەلایەن ئاژانس فرانس پڕس.
لەلای خوەییش، حاکم ناوچەی زابوريجيا، ئولکسەندەر ستارۆخ وت: بینایگ نۆ قاتی بەشیگی لە مەوقەی شەو رمیا، و پەنج بینایتر وەگەرد زەوی رمیان، و فرەیش زەرەدمەن بوین، لە ١٢ پەلامار مووشەکی ڕووسی.
ستارۆخ لەبان تیلیگرام وت: شایەت کەسەیلیگ لەژیر رمیاگەیل بوون، لەوەختیگ کارەیل رزگارکردن لە شوین رویداوەگە وەردەوامە، دویای رزگارکردن هەشت کەس.
یەیش دویای کوشیان ١٧ کەس لەلای کەمەو لە گورزیگ لەبان شار زابوريجيا تیەێد، ک رووژ پەنجشەممەی گوزەشتە، وە هەفت مووشەک پەلاماری دریا، وەگورەی سەرچەوەیلیگ ئۆکرانی فەرمی.
