سوپای رووسیا دەسکێدە داگیرکردن ئۆکرانیا

شەفەق نیوز/ فلادیمێر بۆتین سەرۆک رووسیا، شەوەکی ئمڕوو پەنجشەممە،  بڕیاردا ئۆپراسیۆنگ سەربازی تایبەت لە هەرێم دونباس خوەرئەڵات ئۆکرانیا جیوەجی بکەێد، و وەرپرسیگ لە هاوپەیمان ناتو وت: داگیرکردن رووسیا ئەرا ئۆکرانیا دەسوەپی کرد.   

سەرۆک رووسیا لە وتاریگ تەلەڤزیۆنی داوا لە سەربازەیل ئۆکرانیا کرد چەک خوەیان فڕە بیەن و وەکوتپڕ بچنە ماڵ خوەیان.  

وتیش: گشت گەشەیل رۊداوەیل و شیکردن زانیارەیلە ئەوە نشان دەن ک رۊوەرۊبۊن ناوبەین رووسیا و هێزە نەتەوەگەرەیلەی ئۆکرانیا لەچارە نۊسیاگە.   

رممە و تەقینەوە لە دەورگرد شار کرامیورسک لە دونباس هەڵسیا، و هەمیش دەنگ رممەی تەقینەوە لە باکوور کیێف پایتەخت ئۆکرانیا رەسیە گووش.