سەرۆک ئۆکرانیا: بۆردمان رووسی شۊنەیل مەدەنی و سەربازی کردیەسە ئامانج

شەفەق نیوز/ سەرۆک ئۆکرنیا فولوديمير زيلينسكی، ئمڕوو جومعە، وت: " رووسیا پەلامارەیل موشەکی کەێدە بان وڵاتەگەی و شۊنەیل سەربازی و مەدەنی کردیەسە ئامانج"  

زيلينسكی لە بەیاننامەیگ رووژنامەوانی وت : هێزەیل رووسی دەسکردنە پەلامارەیل موشەکی لە ساعات چوار شەوەکی جومعە ( وەگورەی وەخت ناوخوەی ئۆکرانیا) باوجی جۊلەگەی لە فرەیگ ئاراستەیلە وسان. 

رووسیا لە شەفەق رووژ پەنجشەممە پەلاماردان فراوانیگ  دژ وە ئۆکرانیا دەسوەپیکرد ک پەلامارەیل ئاسمانی  و جۊلەیل بان زەۊ گردەو تەنانەت وەرەو  کیێڤ پایتەخت وە گورەی وتەی دەسڵاتدارەیل ئۆکرانیا. 

پەلامارەیل ئیدانەی فراوانیگ لە کۆمەڵگەی ناودەوڵەتی وەجی هیشت، و داوا لە گشت یەکیتی ئەوروپا و ناتۆ کریا ئەرا کۆبۊنەوەیگ فریاکەفتن. 

ولاتەیل یەکگرتوو ئەمریکا و ئەلبانیا لە ساعات 20:00 رووژ جومعە داوای دەنگدان لە ئەنجومەن ئاسایش ناودەوڵەتی  کرد لەبان رەشنۊس بڕیاریگ ک وە تۊنی ئیدانەی داگیرکردن ئۆکرانیا وەلایەن رووسیا کردن و داوا کردن رووسیا دەسوەجی سەربازەیلی لەو وڵاتە بکیشێدەو.  

ئی بەندە وەگورەی بەش 7 دەستووری نەتەوە یەکگرتگیەیل ک رێ وە وەکارهاوردن هێز دەێد ئەرا جیوەجیکردن،  لەوەر ڤیتۆی رووسیا لە ئەنجومەن ئاسایش جۊر ئەندامیگ هەمیشەیی، وە شکست دانرێد.  باوجی وە لای واشنتۆن.